Fevralın 24-də Xidmət Sahələri üzrə Sumqayıt Dövlət Peşə Təhsil Mərkəzinin tələbələrinin ifasında ”28 May” Diyarşünaslıq Evində Xocalı soyqırımının 30 illiyə həsr edilmiş "XX əsrin faciəsi” adlı tamaşa səhnəyə qoyulub.
İlk olaraq şəhidlərimizin ruhu bir dəqiqəlik sükutla yad edilib. Aparıcı Xocalı faciəsi haqqında iştirakçılara məlumat verdikdən sonra 44 günlük Vətən müharibəsinə və Qələbəmizə həsr olunan tamaşa təqdim olunub. Tamaşada müharibədən əvvəl Xocalıların firavan həyatı, Xocalı faciəsi və faciədən 30 il sonra xalqımızın 44 günlük Vətən müharibəsində qazandığı qələbə Xidmət Sahələri üzrə Sumqayıt Dövlət Peşə Təhsil Mərkəzinin tələbələridən ibarət həvəskar aktyorlar tərəfindən tamaşaçılara təqdim olunub.
Sonda mərkəzin kitabxanaçısı tamaşaçıları Qan Yaddaşımızı unutmamağa çağıraraq, Vətən müharibəsində Azərbaycan Respublikasının qazandığı Qələbə münasibəti ilə bir daha təbrik edib.
Tamaşaçılar sırasında şəhərin bir neçə nüfuzlu təşkilatlarının nümayəndələri iştirak edib. Tamaşa bitdikdən sonra qonaqlar çıxış edərək, tələbələrin Vətən sevgisini, aktyorluq bacarıqlarını, obrazları xüsusi həssaslıqla təqdim etməklərini təqdirəlayiq hesab etdiklərini bildirib və bu münasibət ilə onlara səmimi təşəkkürlərini bildiriblər.
Xəbərdən istifadə edərkən istinad etmək vacibdir.
