Sumqayıt Regional Mədəniyyət İdarəsinə tabe olan Sumqayıt şəhərinin Tarixi Muzeyi və 25 saylı tam orta məktəbin birgə təşkilatçılığı ilə Xocalı soyqırımının 30-cu ildönümü ilə əlaqədar tədbir keçirilib. Öncə faciə qurbanlarının əziz xatirəsi bir dəqiqəlik sükutla yad edilib. Tədbirdə muzeyin ekskursiya aparıcısı tərəfindən məktəblilərə Ermənistan dövlətinin tarixi ərazilərimizdə həyata keçirdiyi məqsədyönlü soyqırımı, Azərbaycan xalqına qarşı amansızlıq və qəddarlıqla törədilmiş Xocalı faciəsinin həqiqətlərindən bəhs edən "Xocalı tarixi yaddaşımızdır” adlı mühazirə təqdim edilib.
Sonra məktəbin təşkilatçısı və müəlliməsi çıxış edərək faciə qurbanları haqqında geniş məlumat veriblər.
Tədbirdə muzeyin kiçik elmi işçisi tərəfindən muzeyin fondlarından tərtib olunan Xocalı faciəsinin dəhşətlərini özündə əks etdirən səyyar sərgi təqdim edilib.
Xəbərdən istifadə edərkən istinad etmək vacibdir.
