Sumqayıt Regional Mədəniyyət İdarəsinə tabe olan Abşeron rayon Mədəniyyət Mərkəzində Xocalı faciəsinin 30-cu ildönümünə həsr olunan anım mərasimi keçirilib.
Abşeron rayon İcra hakimiyyətinin rəhbərliyinin, Xocalı şəhidlərinin ailələrinin, qazilərin, rayon ictimaiyyətinin iştirak etdiyi anım tədbirində Xocalı soyqırımı qurbanlarının, canlarını Vətənin azadlığı və ərazi bütövlüyü uğrunda qurban verən şəhidlərimizin xatirəsi bir dəqiqəlik sükutla yad edilib. Sonra əsrin faciəsininin reallıqlarını əks etdirən videoçarx nümayiş olunub, Xocalıya həsr olunan rəsmlər sərgilənib.
Tədbirdə çıxış edən Abşeron rayon İcra Hakimiyyətinin başçısı Abdin Fərzəliyev bildirib ki, 30 il əvvəl Azərbaycanın Xocalı şəhərində erməni quldur dəstələrinin mülki əhaliyə, o cümlədən qadın, uşaq və qocalara qarşı törətdikləri qırğın bəşəriyyətə qarşı ağır cinayət olub.
Sonda Abşeron rayon Mədəniyyət Mərkəzinin nəzdində fəaliyyət göstərən Xalq Teatrının hazırladığı "Xocalı soyqırımı” adlı tamaşa nümayiş etdirilib.
Xəbərdən istifadə edərkən istinad etmək vacibdir.
