Fevralın 25-də Sumqayıt Regional Mədəniyyət İdarəsinə tabe olan Qubadlı Rayon Nümayəndəliyində Xocalı faciəsinə həsr olunan "Xocalım qan yaddaşım" adlı tədbir keçirilib. Öncə Vasili Əliyev adına Rayon Mədəniyyət evi və Mahmudlu kənd Mədəniyyət evlərinin rəsm dərnəyinin üzvlərinin hazırladığı Xocalı faciəsini əks etdirən rəsm sərgisi nümayiş olunub.
Tədbirdə Qubadlı Rayon İcra Hakimiyyətinin başçısı cənab Malik İsaqov və digər məsul işçilər, Sumqayıt Regional Mədəniyyət İdarəsinin rəis müavini İlham Əhmədov, Qubadlı Rayon orta məkəblərinin müəllim kollektivi, rayon ictimaiyyəti işirak ediblər. Çıxış edənlər Xocalı soyqırımı haqqında öz fikirlərini bildirib, həlak olan soydaşlarımızın əziz xatirəsini anıblar.
Sonra Qubadlı Rayon Vasili Əliyev adına Rayon Mədəniyyət evi və Mahmudlu kənd Mədəniyyət evlərinin hazırladığı ədəbi bədii kompozisiya, muğam parçaları, səhnəciklər təqdim olunub, şeirlər söylənilib.
Tədbir uşaqların ifasında hazırlanan mahnı ilə sona çatıb.
Xəbərdən istifadə edərkən istinad etmək vacibdir.
