Az öncə aldığımız məlumata görə "Yüksəliş naminə” qəzetinin baş redaktor müavini Elçin Həsənov Bakının "Qara Qarayev” metrosunun yaxınlığında tanımadığı şəxslər tərəfindən vəhşicəsinə döyülüb. Bu barədə onun telefonu vasitəsi ilə sözügedən qəzetin redaksiyasına hadisə yerində olan polis əməkdaşları bildirib. Onların sözlərinə görə, jurnalist çətinliklə də olsa DİN 102 xidmətinə zəng edib hadisənin baş verdiyi yer barədə məlumat verə bilib. Hazırda E.Həsənov yaxınlıqdakı xəstəxanaya aparılır. Qeyd edək ki, E.Həsənov Sumqayıt sakinidir, eyni zamanda siyasi fəaldır. ("Yüksəliş naminə” qəzeti)