Sumqayıt Regional Mədəniyyət İdarəsinə tabe olan Səməd Vurğun adına Mərkəzi kitabxananın əməkdaşları Vətən müharibəsi şəhidi, baş gizir Aynur Şıxbaba oğlu Poladovun ailəsini ziyarət ediblər. Görüş zamanı ailəsi şəhid haqqında xatirələrini bölüşüb, keçdiyi döyüş yolu, mükafatları haqqında danışıb.
A.Poladov 1980-ci il oktyabrın 20-də Şabran rayonunun Zeyvə kəndində anadan olub. Vətən müharibəsi zamanı Füzuli şəhərinin azadlığı uğrunda gedən döyüşlərdə iştirak edərək, oktyabrın 2-də şəhid olub.
Şəhidimiz Şabran rayonunda dəfn edilib.
Azərbaycan Respublikasının Prezidenti cənab İlham Əliyevin müvafiq Sərəncamlarına əsasən, Aynur Poladov ölümündən sonra "Vətən uğrunda”, "Füzulinin azad olunmasına görə”, "Döyüşdə fərqlənməyə görə” medalları ilə təltif edilib.
Şəhidin ailəsinə kitabxana əməkdaşları tərəfindən maddi və mənəvi dəstək göstərilib.
Xəbərdən istifadə edərkən istinad etmək vacibdir.
