Xəbər verildiyi kimi, fevralın 16-da "Ramada-Baku” otelində Azərbaycan mediasında enerji mövzularının işıqlandırılmasında keyfiyyətin yüksəldilməsi, gənc jurnalistlərin neft-qaz sektorunun müxtəlif sahələri və spesifik xüsusiyyətləri haqqında biliklərinin artırılmasına yardım göstərilməsi, şərəfli ənənəlrə malik neft sənayesinin son illərdə qazandığı qlobal və regional əhəmiyyətli nailiyyətlər, habelə SOCAR-ın fəaliyyət istiqamətləri ilə onların daha yaxından tanış olmaları məqsədilə Azərbaycan Respublikası Dövlət Neft Şirkəti ilə Azərbaycan Mətbuat Şurasının birgə layihəsi olan "Gənc jurnalistlər üçün SOCAR Qış məktəbi”nə rəsmi start verilmişdir. 10 gün davam etməsi planlaşdırılan Layihə çərçivəsində enerji sektorunun bütün sahələrini – neft yataqlarının geologiya-geofizikası, qazma texnologiyası, neft-qaz hasilatı, həmçinin jurnalist etikası, medianın problemləri və s. mövzularda çıxışların olması, təqdimat və diskussiyaların, eyni zamanda ARDNŞ-nin məsul şəxsləri, Mətbuat Şurasının nümayəndələri və ekspertlərlə görüşlərin keçirilməsi və jurnalistlərə Şirkətin struktruna daxil olan idarə və müəssislərlə yaxından tanış olmaq imkanının yaradılması nəzərdə tutulmuşdur. Fevralın 18-də bu layihə çərçivəsində "Gənc jurnalistlər üçün SOCAR Qış məktəbi”nin iştirakçılarının "Azərikimya” İB-nin nümayəndələri ilə görüşü keçirilmişdir. Öncə jurnalistlərə "Azərikimya” İB haqqında geniş məlumat verilmişdir. "Azərikimya” İB-nin İcraçı direktorunun Əməyin mühafizəsi və ətraf mühitin qorunması üzrə müavini Vuqar Kərimov "Sumqayıt sənayesinin inkişafında "Azərikimya” İB-nin hədəfləri” mövzusunda təqdimat xarakterli çıxış edərək, iştirakçılara Azərbaycan kimya sənayesinin tarixi, inkişaf yolları və hal-hazırkı fəaliyyəti barədə geniş məlumat vermişdir. "Azərikimya” İB-də son illərdə həyata keçirilən müasir layihələr, aparılan rekonstruksiya işləri, xüsusilə ekoloji problemlərin həlli istiqamətində həyata keçirilən uğurlu tədbirlər dinləyicilər tərəfindən maraqla qarşılanmışdır. Sonra Birliyin mühəndis-axtarış şöbəsinin rəis müavini Fəzail Yusifov sintetik kimya məhsullarının həyatımızdakı rolu və əhəmiyyəti haqqında geniş məruzə ilə çıxış etmiş, sintetik polimerlər və onların tətbiq sahələrinə aid sənədli film nümayış olunmuşdur. Tədbirin sonunda gənc jurnalsitləri maraqlandıran suallar "Azərikimya” nümayəndələri tərəfindən ətraflı cavablandırılmışdır.

Xeberle.com