Sumqayıt Regional Mədəniyyət İdarəsinə tabe olan Sumqayıt şəhərinin Tarixi Muzeyində 18 Aprel - Beynəlxalq Abidələr və Tarixi Yerlər Günü ilə əlaqədar tədbir keçirilib. Tədbiri giriş sözü ilə açan muzeyin direktoru Aygün Zülfüqarlı öz çıxışında qeyd edib ki, tarixi abidələrin bərpası və qorunmasına xüsusi diqqət göstərmiş, bu işlərə dövlət dəstəyini əsirgəməmiş ümummilli lider Heydər Əliyevin qoyduğu ənənə bu gün Azərbaycan Respublikası Prezidenti cənab İlham Əliyev tərəfindən ölkə daxilində və xaricində böyük işlər həyata keçirilməklə davam etdirilib. Müzəffər Ali Baş Komandan İlham Əliyevin rəhbərliyi ilə Azərbaycan ordusu tərəfindən 44 günlük Şanlı Zəfər Qələbəsilə işğaldan azad edilmiş torpaqlarımızda erməni vandalları tərəfindən vəhşicəsinə dağıdılmış tarixi, mədəni irsimizin bərpa edilməsi istiqamətində görülən işlərdən söz açıb. Muzeyin elmi katibi "Sumqayıtın memarlıq abidələri" mövzusunda mühazirəni təqdim edərək qeyd edib ki, 1968–ci ildən tərtib olunan "Azərbaycan Respublikasında yerləşən Tarixi və Memarlıq abidələri" siyahısında Sumqayıtın memarlıq abidələri özünəməxsus yer tutub və şəhərin memarlıq üslubuna bir yenilik gətirib.
Tədbirin sonunda 13 və 25 saylı tam orta məktəbin müəllim və şagirdlərinə mövzu ilə əlaqədar muzey materialları əsasında tərtib olunmuş sərgi təqdim olunub.
Xəbərdən istifadə edərkən istinad etmək vacibdir.
