Sumqayıt
şəhər 36-cı məhəllə sakinlərindən “Xeberle.com”-a şikayət məktubu daxil olub.
Şikayətdə deyilir ki, bu gün səhər saatlarında
Sumqayıt şəhər Gigiyena və
Epidomologiya İdarəsinin işçiləri ərazidə olan itləri öldürməyə başlayıblar: “Sözügedən
idarənin əməkdaşlarının iştirakı ilə bu
proses bağçanın yaxınlığında uşaqların gözü qarşısında baş verib. Normativ qaydalara əməl etmədən sakinlərin və
uşaqların gözü qarşsında belə vəhşilik etmək yolverilməzdir. Bununla bağlı əslində xüsusi maşınlar olmalı və əlində torba olan mütəxəssislər gəlib
onları aparmalıdırlar. Xüsusi saxlanc yerində lazım gəldikdə itləri məhv etməlidirlər. Bunlar isə şəxsi maşında “Mersedes” avtomobili
ilə gəlib itləri öldürdükləri yerdə
yaralı vəziyyətdə qoyaraq gedirlər. Bu
isə ətrafdakı insanlara və xüsusən də uşaqlara çox pis təsir edir”.
Qeyd
edək ki, bir zamanlar sahibsiz itlərə qarşı Sumqayıtda Ovçular İdarəsi məşğul
olurdu. Sovet dönəmində sahibsiz itlərin sayının artmasını və quduzlaşma
hallarının qarşısını almaq üçün xüsusi qruplar ən azı ildə iki dəfə şəhərdə
reyd keçirirdi. Belə ki, onlar xüsusi icazə əsasında sahibsiz itləri vururdular.
Lakin son illər bu proses Bakıda qismən hiss olunsa da, digər yaşayış massivlərində
qətiyyən diqqəti çəkmir. Hətta bəzən bu ənənənin unudulduğunu deyənlər də var.
Ümidvarıq ki, sakinlərin iradlarını aidiyyatı
qurumlar nəzərə alacaqlar.
Qarşı tərəfin də
mövqeyini işıqlandırmağa hazırıq.
Xeberle.com
Xəbərdən istifadə edərkən istinad etmək vacibdir.