Sumqayıtda apteklərdə kəskin bahalaşma müşahidə olunur. 

Sumqayıtda fevralın 21-dən etibarən bir sıra apteklər dərman satışını dayandırıblar. Bu gündən isə yeni- daha yuxarı qiymətlərlə satışa başlayıblar. Bəzi aptek sahiblərinin dediklərinə görə, onlar dərman anbarlarından dərman götürə bilməyiblər. Onlar bildirirlər ki, anbardan onlara bunun manatın düşməsi ilə əlaqədar olduğunu deyiblər.

Aptek sahibləri isə deyirlər ki, "dərman satışını hec cür saxlamaq olmaz, dərman ərzaq deyil ki, onsuz keçinmək olsun. Camaatın dərmana ehtiyacı var. Ağır xəstələr, körpələr var. Dərman verilməsini manatın düşməsinə və yaxud da başqa səbəbə görə saxlamaq heç cür anlaşılan deyil. Çünki həyatı dərmandan asılı olan insanlar var”.

Sumqayıt şəhər sakinlərinin Birlik.az-ın əməkdaşına bildirdiklərinə görə, bu kimi hallar Sumqayıtda yerləşən  "Kanon”, "Dokter”, "Zəfəran” və başqa apteklərdə müşahidə olunmuşdur.

Bəzi aptek sahibləri də "Avromed” və "Azermed” kimi dərman bazalarından onlara bu bir neçə gün ərzində dərman verilmədiyini, indi isə yuxarı olan yeni qiymətə verildiyini söyləyirlər.

Onların bildirdiyinə görə, bu qiymət artımı artıq camaat arasında böyük narazıçılıq yaradıb. İnsanların xəstələrinə dərman almağa imkanları çatmır. (birlik.az)