18 may – Beynəlxalq Muzeylər Günü ilə əlaqədar Sumqayıt Regional Mədəniyyət İdarəsinə tabe olan muzeylərin və Heydər Əliyev mərkəzlərinin rəhbərlərinin onlayn görüşü keçirilib.
İdarədən Xeberle.com-a bildirilib ki, Sumqayıt Regional Mədəniyyət İdarəsinin rəis müavini İlham Əhmədov müəssisə rəhbərlərini bu əlamətdar gün münasibətilə təbrik edərək, Ümummilli Lider tərəfindən muzey işinin inkişafı üzrə müəyyən olunmuş prioritetlərin bu gün ölkə rəhbərliyi tərəfindən uğurla davam etdirildiyini qeyd edib.
Sumqayıt şəhərinin Tarixi Muzeyinin təşəbbüsü ilə keçirilən görüş zamanı natiqlər milli-mənəvi dəyərlərimizə, o cümlədən muzey işinə göstərilən dövlət qayğısından, son illər ölkə muzeylərinin dünyanın nüfuzlu muzeyləri ilə əlaqələrinin genişlənməsindən, beynəlxalq əməkdaşlıq sahəsində yeni nailiyyətlərin əldə olunmasından bəhs ediblər.
Həmçinin Müzəffər Ali Baş Komandanın rəhbərliyi ilə Azərbaycan Ordusunun şücaəti nəticəsində işğaldan azad olunmuş torpaqlarımızda aparılan mədəni quruculuq işlərindən də söz açıblar.
Xəbərdən istifadə edərkən istinad etmək vacibdir.
