Sumqayıt Regional Mədəniyyət İdarəsinə tabe olan Sumqayıt şəhərinin Tarixi Muzeyinin təşkilatçılığı ilə Sumqayıt Dövlət Universitetinin nəzdində Sumqayıt Texniki Kollecində 28 May - Müstəqillik Günü ilə əlaqədar "Müstəqilliyə gedən yol” adlı tədbir keçirilib.
Tədbir iştirakçılarına muzeyin kiçik elmi işçisi tərəfindən xalqımızın milli və siyasi şüurunun, yüksək mədəniyyətinin nəticəsi olaraq mürəkkəb siyasi hərbi-şəraitdə əsarət altında yaşayan, tarixi, mədəniyyəti, dili, dini sıxışdırılan Azərbaycan xalqının özünün və Şərqin ilk demokratik, hüquqi, dünyəvi və parlamentli respublikası olan Azərbaycan Xalq Cümhuriyyətinin qurulmasından bəhs edən mühazirə təqdim edilib. Tədbirdə bildirilib ki, Müzəffər Ali Baş Komandan İlham Əliyevin rəhbərliyi ilə ordumuzun 44 günlük Vətən Müharibəsində qazandığı qələbə sayəsində indi xalqımız bu bayramı öz ərazi bütövlüyünü bərpa etmiş qalib ölkə kimi qeyd edir.
Daha sonra muzeyin fondlarından tərtib olunan səyyar sərgiyə baxış keçirilib.
Xəbərdən istifadə edərkən istinad etmək vacibdir.
