Sumqayıt Regional Mədəniyyət İdarəsinə tabe olan Sumqayıt Dövlət Rəsm Qalereyasının əməkdaşları şəhid Nurlan Nuruzadənin ailəsini ziyarət ediblər. Ziyarətdə şəhidin bacısı, qardaşı haqqında xatirələrini bölüşüb və onun keçdiyi həyat yolundan danışıb. Sonra qəhrəman bacısı şəhid ailələrinə və qazilərə göstərilən diqqət və qayğıya görə ölkə başçısına minnətdarlığını bildirib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Respublikasının Prezidenti cənab İlham Əliyevin Sərəncamına əsasən Nurlan Nuruzadə ölümündən sonra "Vətən uğrunda”, "Cəbrayılın azad olunmasına görə”, "Xocavəndin azad olunmasına görə", "Füzulinin azad olunmasına görə" , "Şuşanın azad olunmasına görə" və "Cəsur döyüşçü" medalları ilə təltif edilib.
Xəbərdən istifadə edərkən istinad etmək vacibdir.
