2022/2023-cü tədris ili üzrə peşə təhsili üzrə ilk dəfə olaraq axşam qruplarına qəbul aparılacaq.
Xeberle.com xəbər verir ki, bunu 2022-2023-ci tədris ili üzrə peşə təhsili müəssisələrinə tələbə qəbulu prosesi ilə bağlı təşkil olunan mətbuat konfransında Peşə Təhsili üzrə Dövlət Agentliyinin direktor müavini Ceyhun Kərəmov deyib.
Onun sözlərinə görə, axşam qruplarına 920 tələbə yeri ayrılıb.
Qeyd edək ki, avqustun 1-dən etibarən peşə təhsil müəssisələrinə 2022/2023-cü tədris ili üzrə tələbə qəbuluna başlanılır. Qəbul prosesi ümumi və ya tam orta təhsil bazasını bitirən şəxslər üçün açıqdır. Peşə təhsili almaq istəyən şəxslər avqustun 1-12-də portal.edu.az platformasında qeydiyyatdan keçməklə "Peşə təhsili müəssisələrinə elektron tələbə qəbulu” xidməti vasitəsilə müraciət göndərməlidirlər.
Xəbərdən istifadə edərkən istinad etmək vacibdir.
