Xəbər verdiyimiz kimi, bir müddət öncə  Sumqayıtda 10-cu mikrorayonun sakinləri Babək küçəsi hissəsində, obyekt tikintisi və bu tikintinin sakinlərin gediş-gəliş yolunun kəsməsi səbəbindən etiraz aksiyası keçirmişdilər.

Tikinti prosesi bir müddət dayandırılsa da, ərazidə yenidən işlərə başlanılıb. Bu barədə “Xeberle.com”-a 28-ci evin sakini Nataşa Bayramova məlumat verib. O, artıq məsələ ilə bağlı Prezident İlham Əliyevə mikrorayon sakinlərinin imzası ilə məktub ünvanlandığını da bildirib.  Bununla yanaşı mikrorayon sakinləri Fövqəladə Hallar naziri Kəmallədin Heydərova da müraciət ediblər.

168saat.com isə yazır ki, prezidentə edilən müraciətdə 368 sakinin imzası var. Bu gün sakinlər yolun bağlanmaması üçün Sumqayıt şəhər İcra Hakimiyyətinin Başçısı  Eldar Əzizova da müraciət edəcəklər. Onlar ümid edir ki, icra hakimiyyəti problemlərini həll edəcək.

Xeberle.com  ölkə başçısına edilən müraciətin mətnini əldə edib.