İctimai Şuranın sədri  Hümbət Quliyev Xeberle.com-a açıqlamasında bildirib ki, növbəti toplantıda daxil olmuş müraciətlər müzakirə edilib və hər qrup problemin araşdırılması üzrə məsul şəxslər təyin edilib. 

Şura sədri qeyd edib ki, daxil olmuş müraciətlər əsasən işsizlik, narkomaniya, sahibsiz itlər, şəhərdə yerüstü və yeraltı keçidlərin tikintisi, tibbi sığorta üzrə müalicələrin əlçatan olmaması, məktəb siniflərində olan izafi sıxlıq, şəhərdə yeni üslubda müasir kitabxanaların tikilməsi, "Göyərçin” abidəsinin yanından Bulvar istiqamətində ekskalatorun tikintisi ( yaşlı insanlar üçün əks istiqamətdə pilləkənlərlə qalxmaq problemdir), restoranlardakı musiqinin səsinin yüksək olması, "Yaşıldərə” massivində kanalizasiya problemi, pulsuz bələdiyyə çimərliyinin təşkili,  və ictimai nəqliyyatla, xüsusən "Bağlar” massivində bu sahədə olan çatışmazlıqlarla bağlıdır. 

H.Quliyev vurğulayıb ki, hər problem üzrə bu sahəyə məsul şəxslərlə görüşlərin keçirilməsi və problemlərin həlli istiqamətində əməli addımların atılması ümdə vəzifə kimi qoyulub.