Sumqayıt şəhərində uşaqların yol təhlükəsizliyini yaxşılaşdırmaq üçün pop-up küçə transformasiyası quraşdırılır.
Xeberle.com xəbər verir ki, Sumqayıt şəhər 2 saylı məktəbdə pop-up küçə transformasiyası quraşdırılır. Dünya Bankının Qlobal Yol Təhlükəsizliyi Fondu vasitəsilə Böyük Britaniya Yardımı tərəfindən maliyyələşdirilən transformasiya uşaqlara uyğun yol dizaynının yol təhlükəsizliyini necə yaxşılaşdıra biləcəyini və məktəb ərazilərində yol hərəkəti qurbanlarını azalda biləcəyini nümayiş etdirmək məqsədi daşıyır.
2 nömrəli məktəb son üç ildə Sumqayıt şəhəri üzrə xəritələnmiş qəza məlumatları əsasında seçilib.
Transformasiya küçə dizaynını uşaqların nöqteyi-nəzərindən müşahidə edən, yerli icmaları cəlb edən müvəqqəti, ucuz müdaxilələr təqdim edən, yol-nəqliyyat hadisələri riskini azaldan və eyni zamanda, havanın keyfiyyətini və uşaqların sağlamlığını nəzərə alan GDCI küçə transformasiyası metodologiyasına əsaslanır. Müdaxilə avtomobilin sürətini azaltmaq, piyada keçidlərinin təhlükəsizliyini yaxşılaşdırmaq və piyadaların tələblərinə cavab vermək üçün məkanı yenidən bölüşdürmək məqsədi daşıyır. İşlərə əlavə piyada keçidlərinin nişanlanması, sürət tıxaclarının quraşdırılması, yeni yol nişanlarının, ayrılmış yükləmə yerlərinin qoyulması və digər piyada yerlərinin nişanlanması daxildir.
Layihənin məqsədi küçə dizaynının sürətin idarə edilməsinə və nəqliyyatın sakitləşməsinə potensial təsirini nümayiş etdirmək və Azərbaycanda yol infrastrukturunun yaxşılaşdırılmasına daha geniş dəstək verməkdir.
Xəbərdən istifadə edərkən istinad etmək vacibdir.
