Ötən gün itən Sumqayıt şəhər 1 nömrəli orta məktəbin 7-ci sinif şagirdi, 12 yaşlı Nihad Samir oğlu Pənahovun valideynləri məktəbdən narazıdır.
Nihadın valideynləri məktəb rəhbərliyinin uşağın itkin düşməsi barədə onlara məlumat vermədiklərini və şagirdin dərs zamanı yoxa çıxdığını iddia edirlər. Valideynlər məktəb rəhbərliyinin işə laqeyd yanaşdığını bildirirlər.
Nihadın anası Zoya Pənahova deyir ki, Nihad Pənahov epilepsiya xəstəsidir. Ana oğlunun xəstəliyinə görə onu hər gün özü məktəbə aparıb-gətiririb. Bu dəfə oğlunu götürməyə gedəndə isə övladının məktəbdə olmadığı məlum olub.
Nihadın tapıldığı ərazidə var-gəl etdiyi ətrafda olan müşahidə kamreasına da düşüb.
Abşeron-Xızı Regional Təhsil İdarəsindən isə bildirilib ki, məsələ ilə bağlı araşdırma aparılır.
Qeyd edək ki, 2010-cu il təvəlllüdlü Nihat Pənahlı günorta saat 13-14 radələrində dərsdən çıxdıqdan sonra evə qayıtmayıb. Valideynlərin Sumqayıt şəhər Polis İdarəsinin 4-cü polis bölməsinə müraciətindən sonra məktəbli tapılaraq valideynlərinə təhvil verilib.
(APA TV)
Xəbərdən istifadə edərkən istinad etmək vacibdir.
