Sumqayıt Şəhər İcra Hakimiyyətinin təşəbbüsü, şəhər Gənclər və İdman Baş İdarəsinin təşkilatçılığı ilə Vətən müharibəsi qazisi Ağacanov Qəhrəman Nəriman oğlu idman ictimaiyyəti nümayəndələri tərəfindən ziyarət edilmişdir.
Görüşdə Sumqayıt şəhər Gənclər və İdman Baş İdarəsinin və 2 nömrəli Uşaq-Gənclər İdman-Şahmat Məktəbinin rəhbər işçiləri iştirak etmişlər.
Ziyarət zamanı Qəhrəman Ağacanovun keçdiyi şərəfli döyüş yolundan, Ali Baş Komandanın əmri ilə torpaqlarımızın işğaldan azad olunması uğrunda müzəffər ordumuzun həyata keçirdiyi uğurlu əməliyyatlardan söz açılmış, ailənin qayğıları dinlənilmişdir. Bildirilmişdir ki, ölkəmizin ərazi bütövlüyü uğrunda öz canından keçmiş şəhidlərimizin ailələrinə, həmçinin müharibə qazilərinə dövlət tərəfindən böyük diqqət və qayğı göstərilir. Bu gün prezident cənab İlham Əliyevin rəhbərliyi ilə həyata keçirilən siyasətin əsas istiqamətlərindən birini şəhid ailələri və qazilərin sosial müdafiəsinin gücləndirilməsi, onların problemlərinin vaxtında həllinə nail olunması və hər cür qayğı ilə əhatə olunması təşkil edir.
Sonda qazi göstərilən diqqət və qayğıya görə prezident cənab İlham Əliyevə və birinci vitse-prezident Mehriban xanım Əliyevaya öz dərin minnətdarlığını bildirmişdir.
Xəbərdən istifadə edərkən istinad etmək vacibdir.
