Sumqayıt Regional Mədəniyyət İdarəsinə tabeli Nizami Gəncəvi adına Kitabxana klubun əməkdaşları 44 günlük Vətən müharibəsi şəhidi Azərbaycan ordusunun baş giziri, hərbi tibb qulluqçusu Eldar Firudin oğlu Abdullayevin ailəsini ziyarət ediblər.
Kollektiv ailə ilə birlikdə qəhrəmanımız haqqında söhbət edib, qayğıları ilə maraqlanıb maddi və mənəvi dəstək olublar. Həyatının 22 ilini hərbiyə həsr edən Eldar 27
sentyabr 2020-ci ildə Azərbaycan Silahlı Qüvvələri tərəfindən Ermənistanın işğalı altında olan ərazilərimizin azad edilməsi zamanı Füzulinin, Hadrutun və Zəngilanın azadlığı uğrunda gedən döyüşlərdə yaralı hərbçilərə döyüş meydanında tibbi yardım göstərib. 18 oktyabr 2020-ci ildə Hadrut döyüşləri zamanı şəhid olub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikası Prezidenti cənab İlham Əliyevin Sərəncamlarına əsasən Eldar Abdullayev ölümündən sonra "Vətən uğrunda” və "Xocavəndin azad olunmasına görə”, ”Döyüşdə fərqləndiyinə görə”, ”Füzulinin azad olunmasına görə” medalları ilə təltif edilib.
Xəbərdən istifadə edərkən istinad etmək vacibdir.
