Sumqayıt Regional Mədəniyyət İdarəsinə tabeli Abşeron rayon Qobu qəsəbə Sənətkarlıq evində şəhid Gülverdi Qasımovun qəhramlığından və döyüş yolundan bəhs olunan tədbir keçirilib. Tədbirdən öncə şəhidimizin həyat yolunu əks etdirən sərgiyə baxış keçirilib. Sonra ümummilli lider Heydər Əliyevin və Vətən uğrunda canından keçən şəhidlərin əziz xatirəsi 1 dəqiqəlik sükutla yad edilib. Çıxış edən Sumqayıt Regional Mədəniyyət İdarəsinin rəisi Rəşad Əliyev qeyd edib ki, Ali Baş Komandan İlham Əliyevin uğurlu daxili və xarici siyasəti, müzəffər ordumuzun qəhrəmanlığı sayəsində 44 günlük Vətən müharibəsi tarixə qızıl hərflərlə yazılıb. Eyni zamanda qəhrəman övladların yetişməsində valideynlərinin əvəzsiz rolu haqqında danışan idarə rəisi şəhid, qazi, habelə vətən müharibəsi iştirakçılarının valideynlərinə təşəkkürünü bildirib.
Sonra YAP-ın Abşeron rayon təşkilatının sədri Abbas Əliyev, ölkə başçısı İlham Əliyevin rəhbərlik etdiyi Şanlı Azərbaycan ordusunun başladığı 44 günlük zəfər yürüşünün möhtəşəm qələbəylə nəticələnməsindən, əzəli və əbədi torpağlarımızın düşmən işğalından həmişəlik azad edilməsindən danışıb.
Tədbir bədii hissə ilə dəvam etdirilib.
Xəbərdən istifadə edərkən istinad etmək vacibdir.
