Almaniyanın Sumqayıtla qardaşlaşmış Lüdviqshafen şəhərinin Reyn ştatının respublikamızda işgüzar səfərdə olan mütəxəssislər qrupu bu gün Sumqayıt Bələdiyyəsinin rəhbərliyi ilə görüşüb.   Qonaqlar Azərbaycanda son illərdə aparılan geniş miqyaslı tikinti-abadlıq işlərindən məmnunluqlarını ifadə edib, sürətlə inkişaf edən, yeniləşərək tanınmaz dərəcədə dəyişən ölkəmizin Avropanın qabaqcıl bir ölkəsinə çevrilməsindən bir partnyor olaraq sevinc və dost qüruru duyduqlarını bildiriblər.

Sonra alman qonaqlar şəhər sakinlərinin sosial-məişət qayğılarının dol¬ğun şəkildə həlli, onlara yaşayış sahələrində göstərilən məişət-kommunal xidmətlərinin müasir tələblər səviyyəsində qurulması, bu sahədə yeni təşəbbüslər və yeniliklərlə bağlı sumqayıtlı həmkarları ilə fikir mübadiləsi aparıblar.

Reyn ştatının mütəxəssislər qrupunun rəhbəri Peter Lubenau Lüdviqs¬hafen şəhərində əhaliyə kommunal xidmətin yeni, daha səmərəli  formala¬rının  tətbiqi haqqında məlumat verib, bəzi məsələlər üzrə isə daha optimal variantların hazırlandığını diqqətə çatdırıb.

Sumqayıt Bələdiyyəsinin sədri, professor Əbülfəz Babayev respublikada ölkə başçısının rəhbərliyi ilə aparılan geniş vüsətli quruculuq işlərinin Sumqayıtda da uğurla davam etdirildiyi barədə qonaqlara məlumat verib, şəhərin İcra Hakimiyyəti tərəfindən sakinlərin sosial-məişət qayğılarının, mövcud olan problemlərin həllinə xüsusi diqqət yetirildiyini bildirib. Qeyd edilib ki, qarşıya çıxan məsələlərin həlli üçün Sumqayıt Bələdiyyəsi də öz imkanları daxilində səylərini əsirgəmir.

Fikir və təcrübə mübadiləsindən razı qalan tərəflər bu cür görüşlərin gələcəkdə də keçirilməsinin qarşılıqlı faydalı olacağını bildiriblər.

Orxan Rəhmanoğlu