Fövqəladə Hallar Nazirliyinin Sumqayıt Regional Mərkəzi, Sumqayıt şəhər Heydər Əliyev Mərkəzi və Xidmət Sahələri üzrə Sumqayıt Dövlət Peşə Təhsil Mərkəzinin birgə təşkilatçılığı ilə 25 noyabr tarixində Sumqayıt şəhər Heydər Əliyev mərkəzində "Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirilib.
Mərkəzin direktoru Gülşən Ömərova tədbiri giriş nitqi ilə açaraq qeyd edib ki, bu səpgidə təlimlərin keçirilməsində məqsəd müəssisədə çalışan əməkdaşlar və tələbələrin fövqəladə hallara bağlı davranış qaydaları və mülki-müdafiə sahəsində biliklərinin artırılmasına, müəssisələrdə baş verə biləcək yanğın və ya partlayış hadisələrinin qarşısının alınması məqsədilə profilaktik tədbirlərin görülməsinə nail olmaqdır.
Tədbirdə Sumqayıt Regional Mərkəzinin, DYNX-Sumqayıt Dövlət Regional Yanğın Nəzarəti İdarəsinin əməkdaşı, Mərkəzin rəhbər və işçi heyəti, Peşə Təhsil Mərkəzinin pedaqoji heyəti və tələbə kontingenti iştirak ediblər.
Tədbirdə "Fövqəladə hallatın təsnifatı”, "Zəlzələ zamanı necə davranmalı?”, "Torpaq sürüşməsi zamanı davranış qaydaları”, "Məişətdə yanğın zamanı davranış qaydaları”, ” Odsöndürən balonlardan istifadə”, "Dəm qazı” və "112” qaynar xətti” mövzularında çıxışlar edilib, mövzulara aid videoçarxlar nümayiş etdirilib.
Sonda mövzulara dair suallar cavablandırılıb və maarifləndirmə xarakterli təbliğat materialları,yaddaş kitabçaları,bukletlər paylanılıb.
Xəbərdən istifadə edərkən istinad etmək vacibdir.
