Sumqayıt Şəhər İcra Hakimiyyətinin təşəbbüsü, şəhər Gənclər və İdman Baş İdarəsinin təşkilatçılığı ilə Dünya Azərbaycanlılarının Həmrəylik Günü və Yeni il bayramı ərəfəsində ölkəmizin ərazi bütövlüyü uğrunda şəhid olmuş Əliyev Səmidin ailəsi və qazilər - Cəfərov Tural, Xəlilov Elvin, Həmdullayev Tərlan, Ağacanov Qəhrəman gənclər və idman ictimaiyyəti nümayəndələri tərəfindən ziyarət edilib.
Ziyarətlər zamanı Vətən müharibəsində torpaqlarımızın işğaldan azad olunması uğrunda qəhrəmancasına döyüşərək şəhidlik zirvəsinə yüksəlib və yaralanmış qəhrəmanlarımızın keçdiyi şərəfli döyüş yolundan söhbət açılıb, şəhid ailələri və qazilərin qayğıları dinlənilib.
Görüşdə şəhid və qazi ailələri onlara göstərilən diqqət və qayğıya görə ölkə və şəhər rəhbərliyinə öz təşəkkürlərini bildiriblər.
Xəbərdən istifadə edərkən istinad etmək vacibdir.
