Sumqayıt şəhərindəki Tarix Muzeyində təhsil naziri Mikayıl Cabbarov tərəfindən Sumqayıt şəhəri, həmçinin Abşeron, Qubadlı və Zəngilan rayonları sakinlərinin qəbulu keçirilib.

Təhsil Nazirliyindən Xeberle.com-a bildiriblər ki, qəbulda 50-dək vətəndaşın müraciəti dinlənilib və əksər məsələlər yerindəcə həllini tapıb. Bir sıra müraciətlərlə bağlı nazirliyin müvafiq qurumlarına tapşırıqlar verilib.

Bəzi vətəndaşların nazirliyin səlahiyyətlərinə aid olmayan və ya şəxsi xarakter daşıyan müraciətləri isə müvafiq qurumlara çatdırılmaq üçün qeydə alınıb və nəzarətə götürülüb.