Ötən həftə Ermənistanın Geğarkunik vilayətində yerləşən hərbi hissələrdən birində baş verən partlayış və yanğında ölən 15 əsgərin meyitinin identifikasiyası başa çatıb.
Xeberle.com "Sputnik Armenia"ya istinadən xəbər verir ki, bu barədə Ermənistan İstintaq Komitəsinin sözçüsü Qor Abrahamyan məlumat verib.
Bildirilib ki, hərbçilərin cəsədləri artıq dəfn olunmaq üçün ailələrinə təhvil verilib.
Həmçinin istintaqın davam etdirildiyi qeyd olunub.
"20-yə yaxın şəxs dindirilsə də, hazırda işdə şübhəli və ya təqsirləndirilən şəxs yoxdur", - deyə Abrahamyan söyləyib.
Xatırladaq ki, istilik təhlükəsizliyi qaydalarına riayət edilmədiyi üçün hərbi hissədə baş verən partlayışdan sonra yanğın başlayıb və 15 hərbçi ölüb. Həmçinin yaralananlar olub.
Xəbərdən istifadə edərkən istinad etmək vacibdir.
