Siyahının ilk pilləsində Çikaqo Universiteti qərarlaşıb. 1890-cı ildə neft maqnatı və xeyriyyəçi Con Rokfeller tərəfindən yaradılan universitetdə hazırda illik təhsil haqqı 57 min 711 dollar təşkil edir. Çikaqo Universitetində təhsil alan tələbələrin 60%-i universitet şəhərciyinin ərazisində yaşayır. Burada 38 tələbə yataqxanası var. Aspirant və magistrlərin qalmaları üçün şəhərcikdə 28 bina ayrılıb. Şəhərcik ərazisində Reynold Klubu adlanan tələbə mərkəzi, muzeylər, teatrlar, restoranlar, ticarət və əyləncə mərkəzləri, idman kompleksləri, bağlar, parklar yerləşir. Yeri gəlmişkən, universitetin 85 məzunu Nobel mükafatına layiq görülüb.

Siyahıda ikinci pillədə isə Amerika Birləşmiş Ştatlarının Corc Vaşinqton Universiteti qərarlaşıb. 1853-cü ildə təsis olunmuş universitetdə illik təhsil haqqı 39 min 240 dollar təşkil edir. Universitetdə 16 kollec, 150-dən çox fakültə fəaliyyət göstərir.

İlk üçlüyü ABŞ-ın Ohaya ştatında yerləşən Kenyon Kolleci tamamlayır. Universitet adı şəkilən ştatda ən qədim özəl təhsil müəssisəsidir. Illik təhsil haqqı 38 min dollar olan kollecin ən məşhur məzunları Amerika Birləşmiş Ştatlarının 19-cu prezidenti Rutherford Hayes və aktyor Pol Nyumendir.  (news.atv.az)