Ukrayna Portuqaliyadan üç "Leopard 2 A6" tankı alıb.
Xeberle.com xəbər verir ki, bu barədə ölkənin Milli Müdafiə Nazirliyi məlumat yayıb.
"Portuqaliyanın hədiyyə etdiyi üç "Leopard 2 A6" tankı artıq Ukraynadadır", - nazirliyin Twitter səhifəsində yerləşdirilən yazıda deyilir.
Qeyd edək ki, martın 8-də Almaniyanın müdafiə naziri Boris Pistorius açıqlamasında bildirib ki, bu ay Kiyev Berlin və Lissabondan 21 Leopard 2A6 tankı alacaq. Onlardan 18-i Almaniya tərəfindən təmin edilməlidir. Martın 27-də Almaniya kansleri Olaf Şolz isə qeyd edib ki, Ukrayna Silahlı Qüvvələri artıq Almaniyadan 18 tank alıb.
Xəbərdən istifadə edərkən istinad etmək vacibdir.
