Gürcüstan "Kazbegi” gömrük-keçid məntəqəsində "Yuxarı Lars” keçid məntəqəsi istiqamətində minik avtomobillərin keçidi üçün zolaqların fəaliyyətini müvəqqəti dayandırıb.
Xeberle.com xəbər verir ki, bu barədə "sputnikarmenia”ya Ermənistanın Rusiyadakı səfirliyinin gömrük attaşesi Vaan Akopyan Gürcüstan Maliyyə Nazirliyinin gəlirlər xidmətinə istinadən məlumat verib.
"Mayın 5-dən etibarən minik və sərnişin avtomobilləri üçün keçidlərin işi bir ay müddətinə dayandırılıb", - attaşe bildirib.
Qadağa avtomobillər üçün keçid məntəqəsində hərəkət zolaqlarının genişləndirilməsi məqsədi ilə aparılan tikinti-təmir işləridir.
Gürcüstan Hərbi Magistralı hazırda Ermənistanı Rusiya ilə birləşdirən yeganə quru yoludur. Pis hava şəraitinə görə vaxtaşırı bağlanır.
Xəbərdən istifadə edərkən istinad etmək vacibdir.
