Azərbaycan Respublikasında 2023-cü ilin "Heydər Əliyev ili” elan edilməsi, akademik Zərifə Əliyevanın 100 illik yubileyinin qeyd edilməsi haqqında Azərbaycan Respublikası Prezidentinin Sərəncamına uyğun olaraq Sumqayıt Regional Mədəniyyət İdarəsinə tabeli S.Vurğun adına Mərkəzi Kitabxananın əməkdaşları tərəfindən 2 saylı Sumqayıt Regional "ASAN xidmət” Mərkəzində sərgi təşkil edilib. Sərgidə "ASAN xidmət” işçiləri, könüllülər və şəhər əhalisi iştirak ediblər. Ümummilli lider Heydər Əliyevə həsr edilən "Dünya şöhrətli siyasətçi”, görkəmli oftalmoloq, akademik Zərifə Əliyevaya həsr edilən "Nurlu ömrün işığı” başlıqları altında təşkil olunan sərgidə onların həyat və fəaliyyətlərini əks etdirən kitablar nümayiş etdirilib. Sərgidə eləcə də, kitabxananın fonduna yeni daxil olan müxtəlif elm sahələrini əhatə edən maraqlı kitablar da yer alıb. Kitabxananın əməkdaşları iştirakçılara sərgidə nümayiş olunan kitablar haqqında ətraflı məlumat verməklə yanaşı, onları maraqlandıran sualları da cavablandırıblar. Sərgi iştirakçılar tərəfindən böyük maraqla qarşılanıb.
Xəbərdən istifadə edərkən istinad etmək vacibdir.
