Ötən gün Səudiyyə Ərəbistanı Pro Liqasının 28-ci turunda "Əl-Nəsr”in formasını geyinən Kriştiano Ronaldonun qol vurduqdan sonra səcdəyə getməsi müzakirələrə səbəb olub.
Xeberle.com xəbər verir ki, onun bu hərəkətindən sonra sosial şəbəkələrdə "Kriştiano Ronaldo müsəlman oldu?” rəyləri yazılıb.
İspaniya mətbuatında Ronaldonun Səudiyyə Ərəbistanındakı həyatın "müasir cəmiyyətdən çox uzaq olduğunu düşündüyü üçün” "Əl-Nassr”i tərk etmək istədiyi barədə fərziyyələr var. Lakin futbolçunun meneceri bu iddiaların doğru olmadığını bildirib.
Məlumata görə, Ronaldonun bu fərziyələrdən sonra səcdəyə getməsi, futbolçunun Səudiyyə Ərəbistanındakı həyatından həzz aldığını və Yaxın Şərq mədəniyyətini mənimsəməyə çalışdığını göstərir.
Komanda yoldaşları isə Ronaldonun bu addımını yaxşı qarşılayıb və onun səcdəsini "hörmət əlaməti” kimi alqışlayıblar.
Xəbərdən istifadə edərkən istinad etmək vacibdir.
