Ermənistanın Arazdəyəndə tikdiyi metallurgiya zavodu tezliklə başqa yerə köçürülə bilər.
Xeberle.com xəbər verir ki, bu barədə "Sputnik Ermənistan”a məlumatlı mənbələr bildiriblər.
Ən çox ehtimal olunan variant kimi Ararat şəhəri ilə bitişik ərazi hesab olunur.
Zavod rəhbərliyi məlumatı nə təkzib, nə də təsdiq edib. Əvvəllər bu variant müəssisənin sahibi olan GTB holdinqinin direktoru tərəfindən təkzib edilmişdi.
Qeyd edək ki, Azərbaycan hökuməti Ermənistandan Naxçıvan Muxtar Respublikası ilə həmsərhəd bölgədə - Arazdəyəndə iri metallurgiya zavodunun inşasının dayandırılmasını tələb edib.
Azərbaycanın ekologiya və təbii sərvətlər naziri Muxtar Babayevin adından Ermənistanın ətraf mühit nazirinə ünvanlanan məktubda bildirilib ki, Ermənistanla Azərbaycan arasındakı şərti sərhəddən bir neçə yüz metr aralıda yerləşən Yerasx qəsəbəsi (Arazdəyən) yaxınlığında həyata keçirilən və transsərhəd təsiri ola biləcək fəaliyyətlə bağlı "Transsərhəd kontekstində ətraf mühitə təsirin qiymətləndirilməsi haqqında Konvensiya”da (Espo Konvensiyası) nəzərdə tutulmuş müvafiq prosedura başlanılıb.
Xəbərdən istifadə edərkən istinad etmək vacibdir.
