İsrail ordusu Qəzzanın şimalından 1 milyondan çox insanı bölgənin cənubuna aparmaq üçün BMT-yə 24 saat vaxt verib.
Xeberle.com məlumat verir ki, BMT isə İsrail ordusunun Qəzza əhalisini tərk etməyə məcbur etməsinin çox dağıdıcı nəticələri olacağını bildirərək, İsrail ordusundan bu qərardan əl çəkməsini istəyib:
"İsrail 24 saat ərzində 1,1 milyon dinc sakinin Qəzza vadisinin cənubuna keçməsini istəyir. Belə bir təxliyə mümkün deyil. Bu, çox dağıdıcı humanitar nəticələrə gətirib çıxarar. BMT İsrail ordusunun bu istiqamətdə təlimatına qəti şəkildə etiraz edir. BMT olaraq, biz belə bir sərəncamın geri götürülməsini istəyirik. Əks halda indiki faciə fəlakətlə nəticələnəcək”.
ABŞ Nümayəndələr Palatasının demokrat üzvü Alexandria Ocasio-Cortez Qəzzada evakuasiya əmrinə qarşı üsyan edib. Kortez deyib: "Hər kəs görür ki, 24 saatdan az müddətdə 1 milyondan çox insanın daşınması əmrini vermək mümkün deyil. Bu, qəbuledilməzdir. Bəşəriyyət təhlükə altındadır. Onların demək olar ki, yarısı uşaqlardır. Biz buna son qoymalıyıq”.
Xəbərdən istifadə edərkən istinad etmək vacibdir.
