Fransız rəssam JR onun yerişini bəyənib.

Dünyanın müxtəlif yerlərində ağ-qara insan portretlrərini yerləşdirən fransız küçə rəssamı JR Nyu-Yorkda Fletayron binasının qarşısındakı meydanda "Walking New York” adlı yeni böyük miqyaslı əsər yaradıb. 

Küçəni keçən piyadanın böyük fiquru meydanın mərkəzində yerləşdirilib və həmçinin "New York Times Magazine” jurnalının üz qabığında yerləşdirilib. Şəkil jurnalın üz qabığında yerləşdirilməsi üçün vertolyotdan çəkilib. Şəkildə JR Bruklində Azərbaycan restoranında ofisiant işləyən 20 yaşlı azərbaycanlı Elmar Əliyevi təsvir edib. 

"Elmar Əliyev Bruklində Ditmas küçəsində "Köhnə Bakı” restoranında ofisiant işləyir. Elmar ötən ilin avqustunda yaşıl kartda lotereya udandan sonra ABŞ-a köçüb. Elmar Mərkəzi Parkda Plaza ətrafında gəzməyi çox xoşlayır. Bu yerlər onun sevimli "Evdə tək-2” filmindən olan yerlərdir. Rəssam JR Əliyevin gəzərkən əllərini necə yelləməsini bəyənib”, - jurnalda deyilir. (oxu.az)