BMT Baş Assambleyası HƏMAS-İsrail münaqişəsi ilə bağlı Misir və Mavritaniyanın təqdim etdiyi qətnaməni qəbul edib.
Xeberle.com məlumat verir ki, qətnamənin lehinə 153, əleyhinə 10 dövlət səs verib.
Atəşkəs tələbinin də daxil edildiyi qətnamə Rusiya, İran, Çin, Braziliya, İspaniya, Kuba, Birləşmiş Ərəb Əmirlikləri, Səudiyyə Ərəbistanı, Fransa, İsveçrə, İsveç və sair dövlətlər tərəfindən dəstəklənib. Əleyhinə səs verənlər arasında İsrail, ABŞ və Avstriya kimi dövlətlər var.
Böyük Britaniya, Almaniya və Ukrayna da daxil olmaqla 23 dövlət bitərəf qalıb.
İclasda ABŞ və Avstriya HƏMAS hərəkatının hücumunun pislənməsinin də qətnaməyə daxil edilməsini tələb edib. Düzəliş təklifi qəbul edilməyib.
Qəbul edilmiş sənədin əsas məqamları atəşkəs rejiminə dair tələblər və beynəlxalq hüquq normalarına riayət olunmasıdır. Xüsusilə bütün girovların azad edilməsi və Qəzza zolağına humanitar yardımın təmin edilməsi tələb edilir.
Xəbərdən istifadə edərkən istinad etmək vacibdir.
