Günə üç mərtəbə.
Çinin Broad Sustainable Building Co. inşaat şirkəti mərkəzi rayonda 19 gün ərzində 57 mərtəbəli göydələn inşa edib.
Bu barədə Associated Press xəbər verib.
Bu Xunan əyalətinin mərkəzi Çanşa dairəsində polad və şüşədən düzbucaqlı konstruksiyadır. Binanın inşaatı zamanı fəhlələr modul üsulundan istifadə ediblər, bu onlara bir gün ərzində üç mərtəbə tikməyə imkan verib.
Bu yanaşma ABŞ və Böyük Britaniyada da istifadə edilir, amma memarlar tərəfindən məhz primitiv görünüşü üçün rəğbətlə qarşılanmır. Mini Sky City adını alan binanın quraşdırılmasının əks olunduğu çarx, çin videohostinqlərinin hitinə çevrilib. İnşaatın başlanmasından əvvəl 2736 modulun hazırlanmasına ay vaxt sərf edildiyi məlumdur.
İlk 20 mərtəbənin ucaldılması keçən ilin sonunda, qalan 37 mərtəbə isə 2015-ci ilin fevral ayında başa çatdırılıb. Daha öncə inşaatçı bu əyalətdə rekord müddət ərzində dünyada ən hündür 220 mərtəbəli Sky City (838 metrə yaxın) göydələnini üç aya tikmək niyyətini bəyan etmişdi. 2014-cü ildə Broad Sustainable Building Co. realizə müddətinin 120 gündən ibarət olacaq layihənin hazırlıq işlərinə başlayıb. Bu gün üçün şirkət inşaata icazəni gözləyir.
Hal-hazırda dünyada ən hündür bina Dubayda yerləşən 828 metr hündürlüyü olan "Bürc-Xəlifə” ("Xəlifə qalası”) göydələnidir. (oxu.az)
Xəbərdən istifadə edərkən istinad etmək vacibdir.
