Rusiyanın Ermənistandakı Cənub Hərbi Dairəsinin bazasında rus hərbçiləri arasında hərbi-idman təlimləri üzrə müsabiqənin seçmə mərhələsi başlayıb.
Məşq zamanı döyüşçülərə dağlarda çoxkilometrli hərəkətdə rəqibə şərti qalib gəlmək metodları öyrədilir.
İki mərhələdə keçirilən müsabiqədə ilk olaraq, hərbçilərin yerlərdə hərəkət və səmtləşmə bacarıqları yoxlanılacaq. İkinci mərhələdə hərbi qulluqçular dəniz səviyyəsindən 1,5 min metrdən yuxarı hündürlükdə, eləcə də dağlıq, meşəlik ərazilərdə xəritədə göstərilmiş istiqamətlər üzrə 15 kilometr məsafəni qət etməlidirlər. 
Yarış iştirakçıları marşrut üzrə kəşfiyyat-axtarış hərəkətlərini icra etməli, hər keçilən mərhələ haqqında əlaqə vasitələrilə məlumat verməli və əl qumbaraları ilə şərti rəqibi məhv etməlidirlər. Bunların öhdəsindən gələrək müsabiqənin seçmə mərhələsində yüksək nəticə göstərənlər Rusiyanın Cənubi Qafqaz Hərbi Dairəsinin ən yaxşı hərbi qulluqçularının iştirakı ilə bu il mayın sonunda keçiriləcək hərbi-idman çempionatında iştirak hüququ qazanacaqlar.  (anspress.com)