2024-cü ilin ilk altı ayında Türkiyəyə 2,6 milyon rusiyalı turist gedib.Xeberle.com xəbər verir ki, Türkiyənin Mədəniyyət və Turizm Nazirliyinin məlumatına görə, bu, ötən ilin eyni dövrünün göstəricisindən 3 faiz çoxdur. Nazirliyin statistikasına görə, hazırkı rəqəm demək olar ki, 2,7 milyon rusiyalı turistin Türkiyəyə səfər etdiyi 2019-cu ilin birinci yarısının rekord səviyyəsinə uyğundur.
Müqayisə üçün qeyd edək ki, 2022-ci ilin yanvar-iyun ayları arasında bu rəqəm 1,4 milyon turist olub. Türkiyəyə səfərlərin sayına görə Rusiyanı Almaniya (2,4 milyon), Böyük Britaniya (1,7 milyon), İran (1,4 milyon) və Bolqarıstan (1,3 milyon) izləyir.
İdarənin məlumatına görə, ilin əvvəlindən əcnəbilər Türkiyəyə 21,6 milyon dəfə daxil olub ki, bu da 2023-cü illə müqayisədə 10 faiz çoxdur. Turistlər ən çox İstanbul (8,5 milyon nəfər) və Antalyaya (5,8 milyon nəfər) gedib.
Rusiya Turist Operatorları Assosiasiyasının (ATOR) vitse-prezidenti Artur Muradyan qeyd edib ki, Rusiyadan Türkiyəyə səfərlərin sayı hələ də koronavirusdan əvvəlki dövr səviyyəsinə çatmayıb.
Maraqlıdır ki, yuxarıda adı çəkilən Rusiya strukturu (ATOR) daha əvvəl ruslara Türkiyədəki tətillərini Latın Amerikası ölkələri, xüsusən də Braziliya və Argentina ilə əvəz etməyi təklif etmişdi və bunun məsələn, Türkiyədə bahalı otellərdə istirahət etməkdən daha sərfəli olacağını qeyd etmişdi.
Xəbərdən istifadə edərkən istinad etmək vacibdir.
