Türkiyə prezidenti Rəcəb Tayyib Ərdoğan və xanımı Əminə Ərdoğan Kartalkaya kurort mərkəzindəki hoteldə baş verən yanğında həyatını itirən vətəndaşların cənazə namazına qatılmaq üçün Boluya gedəcək.
Xeberle.com məlumat verir ki, bu barədə Türkiyə mətbuatı yazıb.
Qeyd edək ki, Kartalkaya xizək mərkəzindəki "Grand Kartal" hotelində baş verən yanğın təxminən 10 saatlıq müdaxilədən sonra nəzarətə götürülüb. Yanğında 76 nəfər ölüb, 51 nəfər yaralanıb.
Fəlakətlə əlaqədar müəssisə sahibi də daxil olmaqla 9 nəfər saxlanılıb.
Ərdoğan dünən Prezident iqamətgahında keçirilən Nazirlər Kabinetinin iclasından sonra xalqa müraciət edərək, Kartalkayada baş verən yanğınla əlaqədar bir günlük matəm elan edildiyini açıqlayıb.
Xəbərdən istifadə edərkən istinad etmək vacibdir.
