Müzakirələr nəticəsində ABŞ və Ukrayna nümayəndə heyətləri yenilənmiş və təkmilləşdirilmiş sülh konsepsiyası hazırlayıblar.
Xeberle.com məlumat verir ki, bu barədə Ağ Evin və ABŞ-nin birinci xanımı Melaniya Trampın ofisinin yaydığı birgə bəyanatda qeyd olunub.
Bəyanatda deyilir ki, Ukrayna və ABŞ yaxın günlərdə birgə təkliflər üzərində intensiv işi davam etdirmək barədə razılığa gəliblər. Onlar həmçinin proses irəlilədikcə avropalı tərəfdaşları ilə sıx əlaqə saxlayacaqlar. Bəyanatda son qərarları Ukrayna və ABŞ prezidentlərinin verəcəyi vurğulanıb.
Xatırladaq ki, noyabrın 23-də ABŞ və Ukrayna nümayəndə heyətlərinin görüşü baş tutub və görüşdə ABŞ-nin təklif etdiyi Ukrayna sülh planı müzakirə edilib.
Xəbərdən istifadə edərkən istinad etmək vacibdir.
