Bakıya səfər edən Ermənistan nümayəndə heyəti arasında Təhlükəsizlik Siyasətinin Tədqiqatları Mərkəzinin eksperti Samvel Meliksetyan da olub.
Xeberle.com erməni KİV-ə istinadən xəbər verir ki, Meliksetyan belə səfərlərin vətənə xəyanət kimi qiymətləndirilməsini anlaşılmaz hesab edib.
"Deyirlər ki, sən Bakıya necə gedə bilərsən? Erməni əsgərinin qanı tökülüb, yaxud orada əsir var. Məhz buna görə getməliyik ki, daha çox qan tökülməsin, mən buna əminəm. Əmin olmasaydım, getməzdim", - deyə o qeyd edib.
Ekspertin sözlərinə görə, Azərbaycan da Ermənistan cəmiyyəti və mediası ilə əlaqələrin aktivləşməsində maraqlıdır: "Ermənistan və Azərbaycan indi daha cəsarətli addımlarla irəliləyə bilər. Azərbaycan Ermənistanda 2026-cı il seçkilərini gözləyir, onlar anlamaq istəyirlər ki, seçkidən sonra hansı Ermənistanla qarşılaşacaqlar, bəlkə də sülh müqaviləsinin imzalanmasının gecikməsi də bununla bağlıdır".
Xəbərdən istifadə edərkən istinad etmək vacibdir.
