"Məmləkət məsələləri bir parkda oturaraq hall edilsəydi, çox böyük bir park saldırar, həmişə birlikdə içində oturardıq”.
Bu sözlərin müəllifi türk tarixində kifayət qədər iz qoymuş və dünyada "şlyapalı siyasətçi” kimi məşhur olan, dünən gecə isə həyata vida edən Türkiyə Cumhuriyyətinin 9-cu prezidenti Süleyman Dəmirələ məxsusdur. Türkiyə siyasilərinin fikrincə, o, 40 ilə yaxın siyasi fəaliyyəti müddətində mətbuata olduqca maraqlı və yaddaqalan açıqlamalar verən yeganə lider olub.
"Su direktoru”, "Anbarlar kralı”, "Morisson Süleyman”, "Şapka”, "Çoban Sülü” kimi ləqəblərlə məşhur olan Süleyman Dəmirəlin unudulmaz sözlərini təqdim edirik:
"Ege Yunanıstan gölü deyil. Ege Türkiyə gölü də deyil. Çünki Ege bir göl də deyil”.
Güneydoğu Anadolu Projesi (GAP) haqqında danışarkən: "GAP-ı kimsəyə qap deyə qapdırmaram”.
"Demokratiyalarda çarələr tükənməz".
"Mənə "sağçılar adam öldürtdürür” dedizdirə bilməzsiniz”.
"Yollar yürüməklə aşınmaz, varmı bunun başqa izah tərzi?”
"Məmləkətdə benzin vardı da bizmi içdik, verdimsə, mən verdim. Acam deyənə gəbər deyə bilməzsiniz”.
Jurnalistlərin çaya edilən qiymət artımı ilə bağlı sualına cavabı: "Çayın qiyməti artırılmayıb. Keyfiyyət nizamlanması edilib. Çayın keyfiyyəti yüksəldildi”.
"Dünən dünəndir, bu gün bu gündür. DYP-ni (Doğru Yol Partiyası) mən qurdum. Dünənki günəşlə bugünkü paltar qurudulmaz”
"Yumor bir yumruqdur, nə zaman kimə vuracağı bəlli olmaz”.
"Məmləkət məsələləri bir parkda oturaraq hall edilsəydi, çox böyük bir park saldırar, hamımız birlikdə içində oturardıq”.
Jurnalistlərin qaz çətinliyi üçün hökumət nə kimi tədbirlər görür sualına cavab: "Məmləkətdə qaz vardır”.
1978-ci ildə CHP-nin türkcə bilməyən müəllimləri 40 gündə müəllim kimi hazırlanması üçün verdiyi təklifə reaksiya: "Özüm üçün bir şey istəyirəmsə, namərdəm. Qırx gündə balqabaq yetişməz”.
17 avqustda baş verən dəhşətli zəlzələnin səhəri: "Türkiyənin altı çürükdür. İndi Türkiyənin altı çürükdür deyə, qoyub gedəcək deyilik ki ölkəni. Belə yaşamağı da öyrənəcəyik”.
Ədalət Partiyası Ümumi Başqanı seçildiyi 1964-ci ildən konqresdə ilk salamlamadan etibarən Süleyman Dəmirəl xalqı həmişə şlyapasıyla salamlayıb. Bütün siyasi həyatı boyunca şlyapa həmişə sağ əlində olub. Bu papaq Dəmirəlin vətəndaş siyasət anlayışının simvolu hesab olunurdu.
Onun şlyapası ilə bağlı dediyi sözlər:
"Mənim şlyapam tətildə də işləyir”.
"Bu şlyapanı millət yaratdı, qardaşım”.
"Bu papaq demokratiyanın simvolu olub”.
Qeyd edək ki, 1 noyabr 1924-cü il doğumlu olan Süleyman Dəmirəl 16 may 1993 — 16 may 2000-ci illərdə Türkiyə Cümhuriyyətinin 9-cu prezidenti olub. O, dünən gecə saatlarında vəfat edib. (axar.az)
Xəbərdən istifadə edərkən istinad etmək vacibdir.
