Çexiya Xarici İşlər Nazirliyinin (XİN) büdcəsinin məhdudlaşdırılması ölkənin 45 səfirlik və konsulluğunun bağlanılmasına gətirib çıxara bilər.
Bu barədə ölkə XİN-in müvafiq sənədində deyilir.
Bildirək ki, Çexiyanın ümumilikdə 116 xarici təmsilçiliyi var.
Çexiyada büdcə məhdudiyyətləri və kronun (milli valyuta) kursunun enib-qalxması büdcə çatışmazlığına səbəb olub.
Xarici ölkələrdəki diplomatik nümayəndəlikləri bu il ərzində saxlamaq üçün ölkə XİN-ə 400 milyon kron (16.5 milyon dollar) çatmır.
Bildirilir ki, gələn il vəsait çatışmazlığı artıq 900 milyon kron (37.2 milyon dollar) təşkil edəcək. (salamnews.org)
Xəbərdən istifadə edərkən istinad etmək vacibdir.
