Polşanın sabiq prezidenti Bronislav Komorovski əmindir ki, Vladimir Putin ciddi şəkildə SSRİ-ni bərpa edilməsi haqda düşünür və onun Avropa Birliyi ilə Ukraynanın yaxınlaşmasına əngəl yaratmasını da məhz bu istək diktə edir.
Bu barədə o, Bratislavadakı təhlükəsizlik konfransında bildirib. "Fikrimcə, Putin hər gün, yatmamışdan öncə düşünür ki, necə oldu SSRİ dağıldı. Və tez-tez də o, tarixi geri qaytarmaq barədə fikirləşir” – deyib eks-prezident.
Komorovskinin sözlərinə görə, təkcə Putin bu mövqedə deyil, belə yanaşma Rusiyada geniş yayılıb. "Bir çox rusiyalı da hazırdır etiraf eləsin ki, Sovet İttifaqının çöküşü onlar üçün bədbəxt hadisə olub” – bildirib siyasətçi.
Polşanın keçmiş dövlət başçısı qeyd edib ki, Rusiyanın bu niyyəti Avropa Birliyi ilə Ukraynanın yaxınlaşması ilə dağılıb gedəcək. (musavat.com)
Xəbərdən istifadə edərkən istinad etmək vacibdir.
