Burkina-Fasonun sabiq prezidenti.
Burkina-Fasonun keçmiş prezidenti Afrika Çe Qevarası adlandırılan Tomas İsidor Noel Sankara inqilabın irəliləməsi üçün şəxssi nümunəsini əsas hesab edib.
Onun aylıq kapitanlıq gəliri 450, prezident əmək haqqı isə 2000 ABŞ dolları olub. Lakin Tomas prezident maaşını kimsəsiz uşaqlar fonduna köçürüb. Sankaranın devrilməsi və öldürülməsindən sonra məlum olub ki, onun şəxsi əmlakı hakimiyyətə gəlməsindən əvvəl aldığı köhnə "Pejo" avtomobili, nasaz soyuducu, üç gitar və dörd velosipeddən ibarət olub.
Sankara hökumətinin ilk yeniliklərindən biri bütün dövlət rəsmiləri gəlir və hesablarının açıqlanması olmuşdu. "Mersedes"lərdən ibarət hökumət avtoparkı satılaraq o dövr üçün ən ucuz avtomobil sayılan "Reno 5"lərlə əvəz olunmuşdu. O, məmurların maaşlarını ixtisar etmiş, şəxsi sürücüdən istifadə etməyi və yüksək səviyyəli aviabiletlərlə uçmağı qadağan etmişdi. Bundan əlavə, məmurlardan bahalı qərb geyimlərini yerli sakinlərin tikdiyi pambıq tunikaya dəyişmək tələb olunmuşdu. Yeni il ərəfəsində dövlət işçiləri aylıq gəlirlərini sosial fonda ödəməli idilər. Deyilənə görə, kabinetin yarısını qovan Sankara onları kollektiv fermalarda torpaqda çalışmağa göndərmişdi. Onun fikrincə, orada onlardan daha çox xeyir gələ bilər.
Sankara hətta öz kabinetində belə kondisioner quraşdırmağa icazə vermirdi. O, bunu əhalinin hamısı üçün kondisionerlərin əlçatan olmaması ilə əlaqələndirmişdi. Ölkədə prezidentin portretlərini asmaq qanunu pozmaq demək idi. Bununla Sankara ölkədə onun kimi 7 milyon insanın olduğu və özünün onlardan fərqlənmədiyini nümayiş etdirirdi.
Sankaranın hakimiyyətə gəlməsindən (1986-cı il) üç il sonra Ümumdünya Bankı Burkina-Fasoda korrupsiyanın kökünün kəsildiyini bəyan etmişdi.
Lakin hər şey faciə ilə bitdi. Belə ki, 15 oktyabr 1987-ci ildə Sankaranın silahdaşı və dostu, ədliyyə naziri Blez Kompaore dövlət çevrilişi nəticəsində öldürülmüşdü. Kompaore Sankaranın Fransa və Kot-di-Vuarla beynəlxalq münasibətləri təhlükə altına atmaqda ittiam etmişdi. (olke.az)
Xəbərdən istifadə edərkən istinad etmək vacibdir.
