Dünyanın ən rahat, hüzurlu ölkəsi seçilib. İqtisadiyyat və Sülh İnstitutu ənənəvi Qlobal sülh indeksi siyahısını hazırlayıb. İslandiya və Danimarka siyahıya liderlik edir.
Sənəddə ən diqqətçəkən məqam 14-15 fevralda Kopenhagendə baş verən terrora baxmayaraq Danimarkanın yerinin dəyişməməsidir.
Siyahının hazırlanmasında sülh, hüzur, rahatlıq, ticarət, mədəniyyət, iqtisadiyyat, siyasət kimi bir çox kriteriyalar nəzərə alınıb. Bu siyahıda həmçinin ölkələrin özləri və regionda savaşın olub-olmaması ən əsas faktorlardandır.
Araşdırma çərcivəsində 162 ölkədə yoxlama aparılıb. Onlardan 81-də sakitlik, stabillik artıb, 78-də isə azalıb. Ən sakit 20 ölkənin 15-i Avropadadır.
Sənəddə qeyd edilib ki, "Charlie Hebdo" və sonra baş verən handisələr Fransa da sabitliyi nisbətən pozub. Yunanıstan isə iqtisadi qalmaqallara baxmayaraq 22 pillə irəliləyib. Siyahının son pilləsində daxili savaşların hökm sürdüyü Suriya qərarlaşıb.
Dünyanın ən rahat ölkəsi siyahısının ilk onluğu isə belədir:
1. İslandiya
2. Danimarka
3. Avstrya
4. Yeni Zelandiya
5. İsveçrə
6. Finlandiya
7. Kanada
8. Yaponiya
9. Avstraliya
10. Çexiya
(anspress.com)
Xəbərdən istifadə edərkən istinad etmək vacibdir.
