Böyük Britaniya kraliçası Yelizavetanın "Sun” qəzetində dərc olunmuş uşaqlıq şəkli Bukinqem sarayını məyus edib. 
1933-cü ilə aid şəkildə yeddi yaşlı Yelizavetanın faşist salamı verdiyi ehtimal edilir. Şəkilin götürüldüyü videoyazıda kraliçanın anası, dayısı və bacısı da kadrlara düşüb. 
Hazırda həmin kadrların qəzetin əlinə necə düşdüyü araşdırılır. Bukinqem sarayı məyusluq bildirir ki, qəzet 80 il qabaq çəkilmiş videonu "əldə edərək istismar edir".
Cəmi 17 saniyə çəkən ağ qara vidoeyazıda göstərilir ki, gələcək kraliça Balmoral qəsrinin çəmənliyində oynayır. Yeddi yaşlı Yelizavetanın anasına baxaraq ondan sonra nasist salamı verdiyi güman edilir. O vaxt şahzadə olan gələcək kral VIII Edvard da nasist salamı verir. Videoyazının faşistlərin Almaniyada hakimiyyətə gəldiyi 1933-cü ildə, yaxud 1934-cü ildə çəkildiyi güman edilir. 

7 yaşlı Yelizaveta - 1933-34-cü illər
"Sun” qəzetinin məqaləsində bildirilir ki, bu şahzadə Edvardın nasistlərə simpatiya ilə yanaşmasına sübutdur. Onun 1937-ci ildə Hitlerlə görüşdüyü anın fotoşəkili də var. 

Şahzadə Edvard və Adolf Hitler - 1937-ci il 
II Yelizavetanın əmisi olan kral VIII Edvard 10 ay - 1936-cı il yanvarın 20-dən dekabrın 11-də kimi Böyük Britaniya və Şimali İrlandiya kralı, Hindistan imperatoru olub. Boşanmış qadın Uollis Simpsonla ealənmək üçün hakimiyyətdən əl çəkib. 
II Yelizaveta Britaniya taxtına 6 fevral 1952-ci ildə 25 yaşı olan zaman çıxıb. Məşhur Vindzor sülaləsinin təmsilçisi olan II Yelizaveta taxtda atası VI Georqu əvəz edib.   (anspress.com)