Ukrayna müstəqillik əldə etdikdən sonra ona rəhbərlik edən bütün liderlər praktik olaraq bu ölkəni çapıb-talayıb, xalqı soyub və yaxud soymağa imkan verib.   Bu sözləri ABŞ Dövlət katibinin müavini Viktoriya Nuland Savik Şusterə bugünkü müsahibəsində deyib. "112 Ukraina”nın məlumatına görə, Nuland korrupsiya ilə mübarizəni olduqca çətin iş adlandırıb:   "Xüsusilə sovet sistemindən çıxan ölkələrdə bu proses çox çətindir. Etiraf edək ki, Ukrayna bu prosesi heç vaxt aparmayıb. Praktik olaraq Ukraynanın bütün liderləri müstəqillikdən üzü bəri ölkəni bu və ya digər formada talayıblar və yaxud xalqı talayanlara fürsət tanıyıblar”.   Nulandın sözlərinə görə, bu hal arxada qalacaq və Ukrayna bu dönəmi keçəcək.  (axar.az)