Saakaşvili dənizin kənarına çəkilən hasaraları dağıtdı. Gürcüstanın keçmiş prezidenti olan, hazırda isə Odessa şəhərinin qubernatoru kimi fəaliyyət göstərən Mixail Sakaaşvilinin hasar dağıtmada şəxsən iştirak edib.
"Kiyev milyarderləri Odessanın sakinləri və qonaqlarının ən yaxşı çimərliklərə daxil olmasına qalın beton divarlarla mane olurlar. Bununla kifayətlənməyən milyarderlər hasarların üzərində sındırılmış şüşə qırıqları basdırıblar ki, sakinlər hasarı keçə bilməsinlər”.
Bu sözləri Mixail Saakaşvili "Facebook" səhifəsində yazıb.
Odessa merinin sözlərinə görə, onlar həmçinin gözətçi itləri hasara alınmış əraziyə buraxıblar. Milyarderlər özləri isə ayda bir dəfə helikopterlərlə gəlir və evinə baş çəkir. Qalan vaxt isə hasarlanmış böyük ərazi boş qalır.
"Sahil xəttinə maneəsiz daxil olma haqqında Ukrayna qanunları pozulur. Bütün bu özbaşınalıqlar hakimiyyətin səhlənkarlığı dövründə baş verib. Şəhər sakinlərinin və aktivistlərin müraciətlərinə baxmayaraq, heç bir tədbir görülməyib” - deyə mer bildirib.
Saakaşvili deyib ki, bu barədə cinayət işi açmağı və çimərliyi hasarlayanlar haqqında araşdırma aparılması barədə göstəriş verib. O, qeyd edib ki, belə özbaşnalıqlara son qoyulacaq və yaxın vaxtlarda çimərliklər sakinlərin istifadəsinə veriləcək. (anspress.com)
Xəbərdən istifadə edərkən istinad etmək vacibdir.
