Rusiyanın Suriyadakı həmlələrindən sonra Aralıq dənizinə hərbi qüvvələrini yerləşdirən NATO, İstanbula 3 hərbi gəmi göndərib.

ATV.az xəbər verir ki, Kanada, Portuqaliya və İspaniya hərbi dəniz qüvvələrinə məxsus gəmilər Bosfor boğazının "Saray burnu” adlanan hissəsində suya lövbər atıb. 

Elə bu vaxt Bosfor boğazından keçən Rusiya Hərbi Dəniz Donanmasına məxsus gəmidən hər kəsi şoka salan görüntülər çəkilib. Belə ki, gəmidəki bir əsgər hər an atəş açacaqmış kimi əlində raket tutub. Bu hadisə hərbi gəmi Bosforu keçənə qədər davam edib.

Məsələ ilə bağlı çıqlama verən Türkiyənin xarici işlər naziri Mövlud Çavuşoğlu, rusların  bu hərəkətini təxribat kimi qiymətləndirib.